හපොයි මදෑ

https://www.facebook.com/photo.php?fbid=293760674141915&set=a.261191850732131.1073741833.100005239542747&type=3&theater

අනිද්දා දිහාට..
ගොයං කපන්ඩ
අල්ලන්ඩ වෙයි
මයේ පුතේ
ඕං..

හැබෑටම ද අප්පොච්චෝ??
මරු.


අල්ලපු - කනටියෙත් ගොයම පැහි කර වී ඇති............................... එහෙනම්
පිල් උස - ගේ සුදු මැණිකේ ඒ ගොයමට ඒයි..................................එහෙනම

මතකයි - අපි එක කිට්ටුව කැපුව ගොයම් ගිය............................. කන්නෙත්
නියමයි - එක ලඟ ඉස්සර දෙක කැපියැකි මේ............................. කන්නෙත්

අතට - ගත්ත ගොයම් මිටිය උක් පිඩ උඩ දාන.................................. ගමන්
හිතට - මගේ නෑ ඉහිලුං ඈ හොරැහින් හිනැහෙන................................කන්

මහ - නියරේ කුරුණි පැහේ ඇඹුල ගෙනාවා................................. අම්මලා
මහ - ඈයෝ ඉපනැළි පාගන් කයියට ගියේ..................................... දුවලා

හීන්සැරේ - වක්කඩ ලඟ වතුර වලට ගිහින්...................................... දුරක්
සූත්තරේ - දා අපි මුව දෙව්වා ඇඹුලට......................................... වරුවක්

පත්කඩ - එලලා රව්මේ කයියට ලඟ ඉඳගෙන..................................... අපි
ඔක්කට - ගෙන නෙලුං කොළේ ඇඹුලේ රහ බැලුවේ........................... අපි

කයියට - ගොඩ යන්නට අපි තිබ්බේ එක ලඟ දෑ............................... කැති
කෙලියට - මල් ඒ තුනත්තේ දැං අගේට පිපිලා.................................. ඇති



කොල්ලෝ
මොනාද බොල කම්පනා කොරන්නේ?

ආං අර ටැට්ටරි බාස්
අළුත් මැසිමක් ගෙනත්ලු
ගොයං කපන්ඩ.
මෙදා සැරේ ලේසි වැඩේ


අනේ.. හොදා
නේ අප්පොච්චො ?

හ්ම්.. මදෑ..
සුදු මැණිකේ එක්කලා
ගොයං කපන්ඩ උන්නා.

-------------------------------------------------------------------------------------------------------------------------------------------------------------------
ආදර කතාවක් නම් නෙමේ.
කුඹුරු කෙරුවාවෙ තියන ලස්සන වචන ටිකක් කියන්නයි උත්සහ කළේ. තාක්ෂණික දියුණුවත් එක්ක ඒ වචන වගේම සුන්දර අපේ කම අද හෙමිං හෙමිං නැතිවෙලා යනවා.
රැක ගත යුතුයි මේවා. ටිකක් හිතමු ඒ ගැන.

පින්තුරය- අපේ කුඹුරෙන්
------------------------------------------------------------------------------------------------------------------------------------------------------------------