රමණ පහසට බය මනාළිය
කිමද ඔමරිය රුක් කිනිති යට
සගවමින් හිරි වලාවට මුව
කරණ කෝලම් එබීගෙන මට
දිස්නෙ ලන නුඹෙ පබලු සළු පිළි
බැරිද මඳකට උනා ලන්නට
අදුර මැද පා මුකුළු ඔය වත
බැරිද මා හා තනිව ඉන්නට
Thursday, April 28, 2016
Sunday, April 24, 2016
Wednesday, April 20, 2016
ඇණෙන කවි
Manju Nadagamuwa සමඟ
https://web.facebook.com/chanaka.rajakaruna.37/posts/525095971008383?pnref=story
ඉර - අල්ලන්ට තරු වට දුවනා ---------------- ලෙසම
පෙර - කවි දකිනකොට මුව හිනැහෙයි --------- මටම
බර - වැඩි උනත් ඇති වැඩ මගෙ හිස ----------- මතම
වෙර - ගෙන ලියමි හැකි හැටියට අද -------- මෙහෙම
Monday, April 18, 2016
විරසකේ
අමුඩ ලෙන්සුව ඔහේ
වැල කොනක ගුලි වෙලා…
කළු තොරටි මී බාන
ගස් මුලම කෙටි වෙලා…
බාන බැඳි විය ගහත්
මැස්ස උඩ තනිවෙලා…
උං බැඳපු ගොං කණුව
බිමට පත බෑ විලා…
නිල් ඉරිඟු කොරටුවම
ඉර සැරට කරවෙලා…
පැලේ යට ලී අස්සෙ
කොටං ගෙඩි සෑදිලා…
කළු බුලත් කොටු ගානෙ
පාලා වැල් පීදිලා…
පීදිච්චි ලොකු කොළත්
හුඟක් කොරඩෑ වෙලා…
අරියාදුවට වගේ
හෙප්පුවත් පෙරළිලා…
ගිරා අන්ඩත් දුඹුරු
මළකඩට අහුවෙලා…
හුණු කැටෙත් මහ තදට
ඉරි තලා ගල් වෙලා…
අමු පුවක් කොළපතම
ඇත කරුංගා වෙලා…
---------------------------
කුස්සියේ හැලි වලං
ඇත ඔහේ උඩ බලා…
මැටි කලේ වතුර නෑ
පොල්කට්ට වේලිලා…
හිරමනේ මුල්ලෙමයි
දැතිත් දැං මොට වෙලා…
හැඳි ආනේ සින්නෙටම
මකුළු දැල් පැටලිලා…
බුදු කුටිය අඳුරෙමයි
ඉද්ද ගහ මැළවෙලා…
ලාම්පුවෙ තෙලුත් නෑ
චිවිනියත් කළු වෙලා…
මල් පිපුණු රෝස පෙළ
කටු එක්ක තනි වෙලා…
මිඳුලෙ අඹ කොළ මැදින්
තණකොළත් නැගිටලා…
ඉලපතට වැඩත් නෑ
මුල්ලටම කොටු වෙලා…
ඔරලෝසුවෙත් කට්ට
එකතැනම නැවතිලා…
රටාවට පුරන් ආ
පැදුරෙ පං ගැලවිලා…
ගෙදර සිරි දෙව්දුවත්
ගිහින් පිටමං වෙලා….
Saturday, April 16, 2016
අවුරුද්ද
අපේ එරබඳු ගහේ මල් ඉති
පිපී හිනැහෙයි වැටෙන් එලියට
කොහෙක් ඇවිදින් ඉරටු වහලේන්
ගමට හඬ ගා පැහැරියා ගෙට
වටේ ඇහෙනා රතිඥ්ඥා හඩ
කියයි නැකතක් ආපු විත්තිය
ඉරි තලා තුං හුලස් සද්දෙට
ලිතක් වත් නැති නාකි බිත්තිය
2016/4/18 වන දින ලක්බිම පුවත්පතේ පල වූ කවියකි.
https://web.facebook.com/photo.php?fbid=616786835151651&set=p.616786835151651&type=3&theater
Friday, April 1, 2016
කලකට පෙර ලියූ ''ඇය'' ගීයක්ව පෙනෙන අපූරුව
https://www.youtube.com/watch?v=6koRVze5SEc
https://web.facebook.com/chanaka.rajakaruna.37/posts/564111850440128?pnref=story
https://web.facebook.com/photo.php?fbid=1163937220307705&set=a.102165799818191.5258.100000743150802&type=3&theater
youtube - https://www.youtube.com/watch?v=i8OO-8YcxN8
ඇය?
------
කාසි දී රස පහස විඳිනට
අවේ නුඹ එක්කළා ගෙන මන්...
.
මාසෙ පඩි දා වෙනද මා නෙත
ගැටුනේ නෑ නුඹ වීදි අතරින්...
.
මෝසමට බය මැරුණ මල් හැඩ
කාරියට ඔය මුහුණ අළුතෙන්...
.
වෙහෙස පසෙකට දා වැතිරියන්
පැයට පෙර මට පුරුඳු සයනින්...
.
සළු ලිහෙන්නට තරම් පිරිපුන්
ලැම බරයි සිත දවන පහසින්...
.
කුළු ගැණුනු නුඹෙ හැඟුම් බිඳිනට
හොඳම තැන ඒ තමයි විඟසින්...
.
ඒත්..
සුළු රිදුමකින් නුඹේ තන මත
සිඟිති කිරි ඇයි ඉනුවේ මෙලෙසින්...
.
මුළු ගතම සලිතයි මගේ නුඹ
මුණි වතම බිද කියූ කරුණින්..
◙
මේ...
පැයක් පමනයි මටත් ඇත්තේ
පමා වී බෑ පැටියා තනියෙන්...
.
කිරි බිංඳු නොහලා බිමට මගෙ
උවමනා පිරිමහන් පලයන්...
--------------------------
නිමිත්ත- Chanaka Perera
--------------------------
2014/9/23
Subscribe to:
Posts (Atom)